Xatolik turlari
Kichik xatolik · 9 ta5–10 ball
O‘rta xatolik · 13 ta10–25 ball
Qo‘pol xatolik · 10 ta50–100 ball
Qo‘llanma · Avtodrom
Avtodrom: 12 mashq tartibi va jarima ballari
Amaliy imtihonda 12 ta mashq ketma-ket bajariladi. Xatolar jarima ballari bilan hisoblanadi: jarima 100 ballga yetsa, imtihon topshirilmagan hisoblanadi. Mashqlar va ballar Prava UZ ilovasining «Qo‘llanma» bo‘limidan olingan, rasmiy hujjat emas.
12 mashq tartibi
- 1Harakatni boshlash (START)
Kamarni taqing, chapga burilish chirog‘ini yoqib «Start» chizig‘ini kesib o‘ting va 10 metrdan keyin chiroqni o‘chiring. Ishoradan keyin 30 soniya ichida harakatni boshlash shart.
- 2Piyodalar o‘tish joyi
«To‘xtash chizig‘i» oldida to‘xtang — chiziqdan 1 metrdan uzoqda to‘xtash ham, chiziqni bosib o‘tish ham xatolik hisoblanadi. To‘xtagandan keyin 3 soniya kutib harakatni davom ettiring.
- 3To‘xtash va tik balandlikka ko‘tarilish (Estakada)
Qiyalikda to‘xtab, qo‘l tormozi bilan ushlab turing. To‘xtagandan keyin 30 soniya ichida harakatni boshlang va transport vositasi 0,3 metrdan ortiq orqaga siljimasligiga e’tibor bering.
- 490 gradus burchak ostida burilishlar
Nazorat chizig‘ini bosmasdan burilishlarni bajaring. Mashqqa 2 daqiqadan ko‘p vaqt sarflash xatolik hisoblanadi.
- 5Ilon izi
Konuslar orasidan nazorat chizig‘ini bosmasdan o‘ting. Bu mashqqa ham 2 daqiqadan ko‘p vaqt sarflab bo‘lmaydi.
- 6Harakat tartibga solingan chorraha
Svetofor ishorasiga qarab harakatlaning: taqiqlovchi ishorada chorrahaga kirmang, ruxsat beruvchi ishorada esa o‘tish uchun 30 soniyadan ko‘p vaqt sarflamang. Tegishli yo‘nalish chirog‘ini yoqishni unutmang.
- 7Tor joyda qayrilib olish uchun boksga kirish
Boksga kirib, g‘ildiraklarni mashqni bajarishning qayd etish chizig‘iga qo‘yish shart. Ko‘zda tutilmagan joyda orqaga harakatlanish qo‘pol xatolik hisoblanadi.
- 8Temir yo‘l kesishmasi (tartibga solinmagan)
Kesishma oldida to‘liq to‘xtash shart — to‘xtamasdan o‘tish qo‘pol xatolik. To‘xtagandan keyin 3 soniya kutib, keyin harakatni davom ettiring.
- 9Tezlashish bo‘lagi
Yo‘lning tezlashish qismida ikkinchi uzatmani qo‘shish shart. Bu yerda 20 km/soat cheklovi qo‘llanmaydi, ammo 40 km/soatdan oshirish qo‘pol xatolik hisoblanadi.
- 10Avariya holatda to‘xtash
Tovushli va/yoki yorug‘lik ishorasidan keyin 2 soniya ichida to‘xtang, 3 soniya ichida avariya ishorasini yoqing. Harakatni boshlashdan oldin uni o‘chirishni unutmang.
- 11Orqaga harakatlanib parallel to‘xtash (Parkovka)
Orqaga harakatlanib parallel to‘xtang va g‘ildiraklarni qayd etish chizig‘iga qo‘ying. To‘siqqa urilish yoki belgilangan yo‘nalishdan chiqib ketish qo‘pol xatolik hisoblanadi.
- 12Harakatni yakunlash (FINISH)
«Finish» chizig‘ini kesib o‘tishdan oldin o‘ngga burilish ishorasini yoqish shart. Amaliy imtihon uchun belgilangan umumiy vaqtdan oshib ketmang.
32 ta xato va jarima ballari
| Ball | Xato | Qayerda |
|---|---|---|
| Kichik xatolik | ||
| 5 | Xavfsizlik kamarini taqmadi | 1-mashq |
| 5 | Chapga burilish chirog‘ini yoqmasdan «Start» chizig‘ini kesib o‘tdi | 1-mashq |
| 5 | «Start» chizig‘idan keyin 10 metr masofada chapga burilish chirog‘ini o‘chirmadi | 1-mashq |
| 5 | «To‘xtash chizig‘i»dan oldin 1 metrdan ko‘proq masofada to‘xtatdi | 2-mashq |
| 5 | Tegishli yo‘nalishdagi burilish chirog‘ini yoqmadi | 6-mashq |
| 5 | 4.7 va 3.24 yo‘l belgilarining talablarini buzdi | Butun imtihon |
| 5 | «Harakatlanishni yakunlash (Finish)» chizig‘ini kesib o‘tishdan oldin o‘ngga burilish ishorasini yoqmadi | 12-mashq |
| 5 | Harakatlanish tezligini 20 km/soatdan oshirib yubordi («Yo‘lning tezlashish qismida harakatlanish» mashqini bajarishdan tashqari) | Butun imtihon (9-mashqdan tashqari) · davom etsa, har 5 soniyada yana 5 ball |
| 10 | Svetoforning ruxsat beruvchi ishorasida chorrahadan o‘tish uchun 30 soniyadan ko‘p vaqt sarfladi | 6-mashq |
| O‘rta xatolik | ||
| 25 | «Start» ishorasidan keyin 30 soniya davomida harakatni boshlamadi | 1-mashq |
| 20 | «To‘xtash chizig‘i»ning oldida to‘xtamadi yoki uni bosib o‘tdi | 2- va 8-mashq |
| 20 | To‘xtagandan so‘ng 3 soniya o‘tmasdan harakatni boshladi | 2- va 8-mashq |
| 25 | «Estakada» mashqida to‘xtagandan so‘ng 30 soniya davomida harakatni boshlamadi | 3-mashq |
| 20 | «Estakada» mashqida to‘xtagandan so‘ng yoki harakatni boshlashdan oldin transport vositasi orqaga 0,3 metrdan ortiq siljidi | 3-mashq |
| 20 | «90 gradus burilish» va «Ilon izi» mashqlarini bajarishda nazorat chizig‘ini bosdi | 4- va 5-mashq |
| 15 | «90 gradus burilish» va «Ilon izi» mashqlarini bajarishga 2 daqiqadan ko‘p vaqt sarfladi | 4- va 5-mashq |
| 20 | «Boksga kirish» va «Parallel to‘xtash» mashqlarida g‘ildiraklarni mashqni bajarishning qayd etish chizig‘iga qo‘ymadi | 7- va 11-mashq |
| 25 | Yo‘lning tezlashish qismida harakatlanishda ikkinchi uzatmani qo‘shmadi | 9-mashq |
| 20 | Transport vositasining salonida tovushli va/yoki yorug‘lik ishorasi yonganidan so‘ng 2 soniya ichida transport vositasini to‘xtatmadi | 10-mashq |
| 20 | «Avariya holatda to‘xtash» mashqida to‘xtagandan so‘ng 3 soniya ichida avariya ishorasini yoqmadi | 10-mashq |
| 10 | «Avariya holatda to‘xtash» mashqida harakatni boshlashdan oldin avariya ishorasini o‘chirmadi | 10-mashq |
| 20 | Sinov mashqlarini bajarayotganda dvigatelni o‘chirib qo‘ydi | Butun imtihon · har safar 20 ball |
| Qo‘pol xatolik | ||
| 100 | «Start» ishorasidan keyin 40 soniya davomida harakatni boshlamadi | 1-mashq |
| 100 | Svetoforning taqiqlovchi ishorasida chorrahaga kirdi yoki transport vositasining eng oldingi nuqtasi «To‘xtash chizig‘i»dan o‘tdi | 6-mashq |
| 50 | Temir yo‘l kesishmasidan to‘xtamasdan o‘tdi | 8-mashq |
| 100 | Imtihonni o‘zboshimchalik bilan tark etdi yoki sinov mashqlarini bajarishni rad etdi | Butun imtihon |
| 100 | Sinov mashqlaridan birini bajarmadi | Butun imtihon |
| 100 | Sinov mashqlarini bajarish uchun belgilangan yo‘nalishdan chetga chiqib ketdi | Butun imtihon |
| 100 | Sinov mashqlarida ko‘zda tutilmagan joylarda orqaga harakatlandi | Butun imtihon (7- va 11-mashqdan tashqari) |
| 100 | Boshqa transport vositasi bilan to‘qnashuv sodir qildi yoki to‘siqqa borib urildi | Butun imtihon |
| 100 | Harakatlanish tezligini 40 km/soatdan oshirib yubordi | Butun imtihon |
| 100 | Amaliy imtihon uchun belgilangan umumiy vaqtdan oshib ketdi | Butun imtihon |
Bu sahifa rasmiy hujjat emas: mashqlar tavsifi va jarima ballari Prava UZ ilovasining «Qo‘llanma» › «Avtodrom» bo‘limidan olingan. Avtodromga qo‘yiladigan talablar (3494-son hujjat): lex.uz.
Qo‘llanma ilovada ham bor.Prava UZ ilovasida bularning hammasi internetsiz ham ochiladi. Ilovada yana 126 bilet va imtihon sinovi bor. Yuklab olish bepul.
Imtihon kuni tayyor bo‘lib boring.
Bugunoq boshlang: birinchi biletni 15 daqiqada ishlab ko‘ring. Yuklab olish bepul.
Telefon kamerasi bilan skanerlang